Qadr va eʼtibor — eng oliy mukofot

9-may — Xotira va qadrlash kuni munosabati bilan shahar hokimi Gavhar Alimova “Nuroniy” jamg‘armasi rahbari Tohir Hamidov va faollar ishtirokida front orti mehnat faxriylari holidan xabar olishdi.

Hamshaharlarimiz​ Sharif bobo Aralov, Vafo Gaffarov, Mukkaram ona Mirzayeva va Hanifa Shukurova kabi keksalarimizning fayzli xonadonlarida kechgan suhbatlar chinakam mehr va samimiyatga yo‘g‘rildi.

​Nuroniylarimiz bugungi tinch va osuda kunlar, ko‘rsatilayotgan yuksak ehtirom uchun shukrona aytib, yurtimiz omonligini so‘rab duoga qo‘l ochdilar. Ko‘zlardagi quvonch yoshlari va dildan chiqqan duolar bayramning eng go‘zal bezagi bo‘ldi.