YOŞLAR TADBIRKORLIGI — E’TIBOR MARKAZIDA!

Yoşlar tadbirkorligini rivojlantiriş, ularning yangi biznes ğoyalari va istiqbolli loyihalarini röyobga çiqariş, mavjud muammolariga amaliy yeçim topiş borasida Kattaqörğon şahrida tizimli işlar olib borilmoqda.

Payşanba — «Yoşlar kuni» munosabati bilan şahar Soliq inspeksiyasi binosida «Rahbar va yoş tadbirkorlar» uçraşuvi taşkil etildi.

Unda şahar hokimi G. Alimova, sektor rahbarlari, tegişli taşkilot va idoralar mas’ullari hamda yoş tadbirkorlar iştirok etdi.

Oçiq muloqot ruhida keçgan uçraşuvda yoşlarning tadbirkorlik taşabbuslari, biznes ğoyalari va istiqbolli loyihalari atrofliça muhokama qilindi. Şuningdek, ularning faoliyatida uçrayotgan muammo va tösiqlar tinglanib, ularni bartaraf etiş, tadbirkorlik faoliyatini kengaytiriş hamda yangi loyihalarni amalga oşiriş yuzasidan aniq takliflar körib çiqildi.

Uçraşuv davomida yoş tadbirkorlardan 10 dan ortiq murojaat qabul qilinib, ularning ijrosini ta’minlaş yuzasidan tegişli mas’ullarga aniq topşiriq va körsatmalar berildi. Murojaatlar nazoratga olinib, har bir masala böyiça amaliy yeçim topiş vazifasi belgilandi.

Asosiy maqsad — yoşlarning taşabbuslarini qöllab-quvvatlaş, ularga tadbirkorlik yölida keng imkoniyatlar yaratiş va yangi iş örinlari taşkil etilişiga kömaklaşişdir.