“НАВО” ЖАМОАСИГА РЕСПУБЛИКА БОСҚИЧИДА ОМАД ТИЛАЙМИЗ!
Шаҳримиздаги 14-давлат умумтаълим мактабининг «Наво» жамоаси «Иқтидор» танловининг Республика босқичида қатнашиш учун йўлга отланмоқда.
Бугун шаҳар ҳокими Гавҳар Алимова ушбу билимдон ва истеъдодли ёшлар билан учрашди.
Самимий ва қизғин руҳда ўтган суҳбат давомида шаҳар раҳбари ёшларимизнинг салоҳиятини юқори баҳолаб, уларга катта ишонч билдирди.
— «Сизлар нафақат мактабингиз, балки бутун шаҳримиз фахрисиз. Республика босқичида ҳам бор билим ва маҳоратингизни кўрсатиб, энг юқори ўринларни қўлга киритишингизга ишонаман», — деди Гавҳар Алимова ёшларни руҳлантирар экан.
Учрашув якунида шаҳар ҳокими жамоа аъзоларига оқ йўл ва республика босқичида зафарлар тилади.
Омад сизга, «Наво» жамоаси! Шаҳримиз сизга мухлислик қилади!