HOMILADORLIK VA MEHNATGA LAYOQATSIZLIK NAFAQASI BO‘YICHA QAT’IY TARTIB O‘RNATILADI
O‘zbekiston Respublikasi Vazirlar Mahkamasining 2025-yil 17-dekabrdagi 796-sonli qarori bilan aholiga davlat ijtimoiy sug‘urtasi bo‘yicha to‘lovlarni amalga oshirishning yangi tartibi tasdiqlandi.
1. Vaqtincha mehnatga layoqatsizlik nafaqasi
2026-yil 1-iyuldan boshlab nafaqa miqdori sug‘urta stajiga qarab quyidagicha belgilanadi:
| Sug‘urta staji (oyda) | Ish haqiga nisbatan foiz (%) |
| 6 oydan 96 oygacha | 60 % |
| 97 va undan ortiq oy | 80 % |
Nafaqa to‘lanmaydigan holatlar:
- Ish haqi saqlanmagan yoki qisman saqlanadigan ta’til vaqtida;
- Bolani parvarishlash ta’tili davrida;
- Harbiy yig‘inlar hamda o‘quv ta’tili vaqtida.(Eslatma: Agar kasallik ushbu davrlarda boshlanib davom etayotgan bo‘lsa, nafaqa xodim ishga chiqishi lozim bo‘lgan kundan boshlab hisoblanadi).
2. Homiladorlik va tug‘ish nafaqasi (Dekret)
2026-yil 1-yanvardan boshlab homiladorlik nafaqasi miqdori ham ish stajiga mutanosib ravishda belgilanadi:
| Sug‘urta staji (oyda) | Nafaqa miqdori (%) |
| 10 oydan 24 oygacha | 75 % |
| 25 oydan 60 oygacha | 85 % |
| 61 va undan ortiq oy | 100 % |
T. ABDULLAYEV, Kattaqo‘rg‘on shahar yuridik xizmat ko‘rsatish markazi bosh yuristkonsulti.